டொராண்டோ பொலிஸ் சேவையின் (Toronto Police Service – TPS) உத்தியோகபூர்வ தொலைபேசி எண்களைப் பயன்படுத்தி, பொதுமக்கள் இலக்கு வைக்கப்படுவதாக பொலிஸார் அவசர எச்சரிக்கை விடுத்துள்ளனர்.
தொடர்பு கொள்ளும் மோசடியாளர்கள், உங்களது பெயரைக் குறிப்பிட்டு தாம் பொலிஸ் அதிகாரி என அறிமுகப்படுத்துவதோடு, ஏதோ ஒரு மோசடி விசாரணைக்காகப் பணம் செலுத்துமாறு கோருகின்றனர்.
இது முற்றிலும் ஒரு ஏமாற்று வேலை என பொலிஸார் தெளிவுபடுத்தியுள்ளனர்.
அதனால், Toronto Police Service ஒருபோதும் தொலைபேசி வாயிலாகப் பணம் கோர மாட்டார்கள் என்பதால், தனிப்பட்ட விபரங்கள், வங்கி விபரங்கள் அல்லது கடவுச்சீட்டு (Passport) பிரதிகளை எவருக்கும் பகிர வேண்டாம் என மக்களுக்கு எச்சரிக்கை விடுத்துள்ளனர்.
தொலைபேசி அழைப்புகளுக்குப் பதிலளிக்கும் வகையில் கிரிப்டோகரன்சி (Cryptocurrency) உள்ளிட்ட எந்த வகையிலும் பணப்பரிமாற்றம் செய்ய வேண்டாம் என்றும் மக்கள் அறிவுறுத்தப்பட்டுள்ளனர்.
தவறுதலாக விபரங்களை வழங்கியிருந்தால், உடனடியாக TransUnion Canada அல்லது Equifax போன்ற கடன் முகமைகளைத் தொடர்புகொண்டு உங்கள் கணக்குகளைக் கண்காணிக்குமாறும் பொலிசார் அறிவித்துள்ளனர்.
மேலதிக விபரங்களுக்கு 416-808-1400 என்ற எண் பொலிசாரால் அறிவிக்கப்பட்டுள்ளது.
