கனடா, Mississauga நகரில் வெள்ளிக்கிழமை இரவு மேற்கொள்ளப்பட்ட வாகனச் சோதனையின் போது, சட்டவிரோத துப்பாக்கிகளுடன் மூன்று இளைஞர்களை பீல் பிராந்திய பொலிசார் (Peel Regional Police) கைது செய்துள்ளனர்.
Bristol Road West மற்றும் Creditview Road சந்திப்புக்கு அருகே இரவு 10:15 மணியளவில் இந்தச் சம்பவம் இடம்பெற்றது.
கஞ்சா கட்டுப்பாட்டுச் சட்டத்தை மீறிய குற்றச்சாட்டில் வாகனத்தில் இருந்தவர்களை பொலிசார் சோதனையிட்டபோது, ஒருவர் தப்பியோட முயன்றார்.
அவரைத் துரத்திப் பிடித்த பொலிஸார், அவரிடமிருந்து தோட்டாக்கள் நிரப்பப்பட்ட சட்டவிரோத கைத்துப்பாக்கி ஒன்றைக் கைப்பற்றினர்.
இந்தச் சம்பவத்தில் பிராம்ப்டனைச் சேர்ந்த Malik Laroche (18), Jedidiah Henry (19) மற்றும் மிசிசாகாவைச் சேர்ந்த David Eze (22) ஆகிய மூன்று இளைஞர்கள் கைது செய்யப்பட்டு, அவர்கள் மீது ஆயுதங்கள் வைத்திருந்தமை உட்பட பல்வேறு குற்றச்சாட்டுகள் பதிவு செய்யப்பட்டுள்ளன.
இவர்களில் David Eze மீது வாகனத்தில் கஞ்சா வைத்திருந்த குற்றச்சாட்டும் மேலதிகமாகச் சுமத்தப்பட்டுள்ளது.
Imgage – https://status/2030387272126775421?s=20X – Chief Nishan Duraiappah
