கடந்த ஆண்டு Toronto நகரை உலுக்கிய 15 வயது சிறுவன் Jahkai Jack-இன் கொலை வழக்கு தொடர்பான புதிய தகவல்களை வெளியிடவுள்ளதாக Toronto Police அறிவித்துள்ளனர்.
Mount Dennis பகுதியைச் சேர்ந்த Jahkai Jack, கடந்த 2025 ஜூன் 7-ஆம் திகதி Emmett Avenue மற்றும் ane Street பகுதியில் துப்பாக்கியால் சுட்டுக் கொல்லப்பட்டார்.
நண்பர்களுடன் வெளியே சென்றிருந்த அந்தச் சிறுவன் மீது, எவ்வித தூண்டுதலும் இன்றி அநியாயமாக துப்பாக்கிச் சூடு நடத்தப்பட்டதாகத் தெரிவிக்கப்பட்டுள்ளது.
இந்தச் சம்பவம் தொடர்பில் இதுவரை எவரும் கைது செய்யப்படாத நிலையில், துப்பாக்கிச் சூடு நடத்திய நபர் தலைமறைவாக உள்ளார்.
சுமார் 10 பேர் இந்தத் தாக்குதலை நேரில் பார்த்திருக்கலாம் எனக் கருதும் பொலிஸார், குற்றவாளி சரணடைய வேண்டும் என ஏற்கனவே கோரிக்கை விடுத்திருந்தனர்.
எட்டு மாதங்களுக்குப் பிறகு, தற்போது இந்த வழக்கில் கிடைத்துள்ள முன்னேற்றங்கள் குறித்து இன்று காலை 10 மணிக்கு பொலிஸ் தலைமையகத்தில் விசேட விளக்கமளிக்கப்படவுள்ளது.
எந்தக் குற்றப்பின்னணியும் இல்லாத ஒரு சிறுவனின் எதிர்காலம் பறிக்கப்பட்ட இந்தச் சம்பவம், Toronto மக்களிடையே பெரும் சோகத்தை ஏற்படுத்தியுள்ளது.
