உக்ரைன் மீதான ரஷ்யாவின் படையெடுப்பு தொடங்கி நான்கு ஆண்டுகள் நிறைவடைவதையொட்டி, டொராண்டோவின் (Toronto) Nathan Phillips Square பகுதியில் நூற்றுக்கணக்கான மக்கள் ஒன்றுதிரண்டு ஆதரவுப் பேரணி நடத்தினர்.
போரில் உயிரிழந்தவர்களுக்கு அஞ்சலி செலுத்தியதுடன், உக்ரைனின் உறுதியையும் அவர்கள் வெளிப்படுத்தினர்.
இப்பேரணியில் கலந்துகொண்ட டொராண்டோ மேயர் Olivia Chow, உக்ரைனின் Kyiv நகருக்கு தொடர்ந்து உதவிகள் வழங்கப்படும் என உறுதியளித்தார்.
ஒன்ராறியோ பிரீமியர் Doug Ford, மாகாணத்தில் ஏற்கனவே 1,50,000 உக்ரைனிய அகதிகள் வரவேற்கப்பட்டுள்ளதாகவும், இன்னும் அதிகமானோரை வரவேற்கத் தயார் எனவும் தெரிவித்தார்.
அதேபோல், மத்திய எதிர்க்கட்சித் தலைவர் Pierre Poilievre, உக்ரைனுக்கு ஏவுகணைகள் மற்றும் பொருளாதாரத் தடைகள் மூலம் தமது கட்சி ஆதரவு வழங்குவதாகக் குறிப்பிட்டார்.
இதேபோன்ற பேரணிகளும் மெழுகுவர்த்தி ஏந்திய அஞ்சலி நிகழ்வுகளும் கனடா முழுவதும் உள்ள முக்கிய நகரங்களில் நேற்று ஞாயிற்றுக்கிழமை நடைபெற்றது.
