கடந்த சில ஆண்டுகளை விட, தற்போது விடுமுறை வீடுகளை வாங்க விரும்பும் கனேடியர்களின் எண்ணிக்கை குறைந்திருக்கலாம். ஆனால், விடுமுறை வீடுகளுக்கான தேவை தொடர்ந்தும் அதிகமாக உள்ளதால், 2025-ல் இதன் விலைகள் உயரும் என்று புதிய அறிக்கை தெரிவிக்கிறது.
ரோயல் லபேஜ் (Royal LePage) நிறுவனம் புதன்கிழமை வெளியிட்ட அறிக்கையின்படி, கனடாவில் விடுமுறை வீடுகளின் சராசரி விலை (median price) 4% உயர்ந்து $652,808 ஆக இருக்கும் என எதிர்பார்க்கப்படுகிறது.
பிராந்தியங்களின் விலை உயர்வு:
அட்லாண்டிக் கனடாவில் 8% உயர்வு – $498,852
க்யூபெக்கில் 7.5% உயர்வு – $457,198
அல்பர்டா மாகாணத்தில், அதிகமாகவே இருந்த விலை, 2% உயர்வு – சுமார் $1.3 மில்லியன்
பிரிட்டிஷ் கொலம்பியாவில் 2% உயர்வு – $951,762
ஒன்டாரியோவில், 1% உயர்வு – $647,107
மனிடோபா மற்றும் சஸ்கச்சுவான் பகுதிகளில், 4.5% உயர்வு – $310,052
ரோயல் லபேஜ் தலைவர் பில் சோபர் (Phil Soper) கூறியதாவது:
“மக்களில் பலர் இன்னும் விடுமுறை வீடுகளை வாங்க விரும்புகிறார்கள். பொருளாதார நிலைகுலைவு இருந்தாலும், விடுமுறை வீடுகளுக்கான தேவை அதிகமாகவே இருக்கும். மக்களிடையே ஏலப் போட்டி (bidding wars) குறைந்திருப்பது சந்தையில் ஒருவித சமநிலையை ஏற்படுத்தியுள்ளது.”
மதிப்பாய்வொன்றில் கலந்துகொண்ட ரோயல் லபேஜ் ரியல் எஸ்டேட் முகவர்களில் 46% பேர், கடந்த வருடம் போலவே தேவை நிலைத்திருப்பதாகக் கூறியுள்ளனர். 24% பேர் தேவை அதிகரித்துள்ளதாகவும், மீதமுள்ளவர்கள் தேவை குறைந்துள்ளதாகவும் தெரிவித்தனர்.
கனடாவில் தற்போது வட்டி விகிதங்கள் குறைவதால் விடுமுறை வீடுகளுக்கான தேவை தொடரும். 75% பேர், வீடுகளை வாங்குவதற்கான நிதியுதவி (mortgage or loan) பெறுவதாக தெரிவித்துள்ளனர்.
எனினும் புதிய விடுமுறை வீடுகள் தேவைக்கு ஏற்ப கட்டப்படுவதில் தாமதம் காணப்படுவதால், நீண்ட கால விலை உயர்வு தொடரும்.
2024 இல் விடுமுறை வீடுகளின் மொத்த மதிப்பில் 2.3% உயர்வு ஏற்பட்டுள்ளது. ஏரிக்கரையோர வீடுகளின் விலை 3.6% குறைந்து $1,063,400 ஆக குறைந்துள்ளது. ஆனால், கொண்டோமினியத்திற்கான விலை நிலையானதாக $431,700 இல் உள்ளது.
