றொரண்டோவின் ஸ்காபரோ (Scarborough) பகுதியில் செவ்வாய்க்கிழமை காலை இடம்பெற்ற ஒரு சம்பவத்தை அடுத்து, ஒரு சிறுவன் மருத்துவமனையில் அனுமதிக்கப்பட்டுள்ளார்.
மேலும், பெண் ஒருவர் பொலிஸாரால் கைது செய்யப்பட்டுள்ளார்.
மிட்லாண்ட் அவென்யூ (Midland Avenue) மற்றும் ஸ்டீல்ஸ் அவென்யூ ஈஸ்ட் (Steeles Avenue East) சந்திப்புக்கு அருகில் உள்ள பகுதியில் இரவு 9:30 மணியளவில் பொலிஸார் அழைக்கப்பட்டனர்.
சம்பவ இடத்திலிருந்து சிறுவன் ஒருவன் மீட்கப்பட்டு மருத்துவமனைக்கு கொண்டு செல்லப்பட்டான்.
அச்சிறுவனின் தற்போதைய நிலை குறித்த தகவல்கள் இன்னும் வெளியிடப்படவில்லை.
இந்தச் சம்பவம் தொடர்பாக பெண் ஒருவர் பொலிஸ் காவலில் எடுக்கப்பட்டுள்ளார்.
அவர் மீதான குற்றச்சாட்டுகள் இன்னும் இறுதி செய்யப்படவில்லை என பொலிஸ் ஊடக அதிகாரி ஸ்டெபானி மிசெலி (Const. Stephanie Miceli) தெரிவித்துள்ளார்.
கைது செய்யப்பட்ட பெண்ணிற்கும் சிறுவனுக்கும் இடையே உறவுமுறை ஏதும் உள்ளதா என்பது இன்னும் உறுதிப்படுத்தப்படவில்லை.
பொலிஸார் ஒரு வீட்டைச் சுற்றி பாதுகாப்பு நாடாக்களை இட்டுத் தீவிர விசாரணைகளை முன்னெடுத்து வருகின்றனர்.
இந்தச் சம்பவம் குறித்து மேலதிக தகவல்கள் ஏதும் தற்போது வரை பொலிஸாரால் பகிரப்படவில்லை.
