வான்கூவர் (Vancouver) நகரின் கோல் ஹார்பர் (Coal Harbour) பகுதியில், பிரம்மாண்டமான படகு வடிவிலான ஆறு மாடி மிதக்கும் சொகுசு ஹோட்டலை அமைப்பதற்கான முன்மொழிவு, அடுத்த வாரம் சிட்டி கவுன்சிலின் பொது விசாரணைக்கு (Public hearing) வரவுள்ளது.
“சன் போர்ன் வான்கூவர்” (Sunborn Vancouver) என்று பெயரிடப்பட்டுள்ள இந்தத் திட்டத்தில், 250 அறைகள், உணவகம் மற்றும் 130 மீட்டர் நீளமுள்ள பொது நடைபாதை (Public pier) ஆகியவை இடம்பெறவுள்ளன.
கடல் மட்டத்திலான இந்த நடைபாதையில் பூங்காக்கள், சிற்றுண்டிச்சாலை மற்றும் ஸ்பா (Spa) வசதிகள் அமைக்கப்படவுள்ளன.
வான்கூவர் நகரின் சுற்றுலாத் தேவையைப் பூர்த்தி செய்ய 2050 ஆம் ஆண்டிற்குள் 10,000 புதிய ஹோட்டல் அறைகள் தேவைப்படுவதால், இத்தகைய திட்டங்கள் பொருளாதார ரீதியாக மிகவும் அவசியம் என நகர சபை உறுப்பினர் பீட்டர் மெய்ஸ்னர் (Peter Meiszner) தெரிவித்துள்ளார்.
இருப்பினும், இந்த மிதக்கும் ஹோட்டல் திட்டம் தற்போதைய நகர அபிவிருத்தி விதிகளுக்கு (City development rules) அப்பாற்பட்டதாக இருப்பதால், இது குறித்து விரிவான பொது விவாதம் நடத்தப்படவுள்ளது.
