கனடா மற்றும் அமெரிக்காவுக்கு இடையிலான வர்த்தகப் பேச்சுவார்த்தைகள் சூடுபிடித்துள்ள நிலையில், கனடா தனது நிலையை வலுப்படுத்தப் புதிய ஆலோசனைக் குழுவை அமைத்துள்ளது.
பிரதமர் மார்க் கார்னி (Mark Carney), அமெரிக்காவுடனான வர்த்தகப் பேச்சுவார்த்தைகளுக்காக வணிகம் மற்றும் அரசியல் தலைவர்கள் அடங்கிய ஒரு பலமான ஆலோசனைக் குழுவை அறிவித்துள்ளார்.
கனடாவின் மதுபானத் தடையை ஒரு பிரச்சினையாக அமெரிக்கா முன்வைக்கிறது.
இருப்பினும் “உலோகங்கள் மற்றும் வாகனங்கள் மீது அமெரிக்கா விதித்துள்ள வரிகளே உண்மையான விதிமீறல்கள்” என பிரதமர் கார்னி பதிலடி கொடுத்துள்ளார்.
நாடாளுமன்ற நிலைக்குழுக்களில் லிபரல் கட்சி (Liberals) தனது பெரும்பான்மையை உறுதிப்படுத்தும் வகையில் உறுப்பினர்களின் எண்ணிக்கையை 10-லிருந்து 12-ஆக உயர்த்தியுள்ளது.
இதற்கு எதிர்க்கட்சியான கன்சர்வேடிவ் (Conservatives) கடும் எதிர்ப்பு தெரிவித்துள்ளது.
இதன் மூலம் அரசாங்கம் மீதான விசாரணைகளையும், புதிய சட்டத்திருத்தங்களையும் லிபரல் கட்சி தனது கட்டுப்பாட்டில் வைத்திருக்க முடியும்.
இந்நிலையில் எதிர்வரும் செவ்வாய்க்கிழமை பிரதமர் மார்க் கார்னி தனது முதலாவது வசந்தகால பொருளாதார அறிக்கையை (Spring Economic Statement) வெளியிடவுள்ளமை குறிப்பிடத்தக்கது.
