றொரண்டோ (Toronto) மற்றும் அதன் சுற்றுவட்டாரப் பகுதிகளில் (GTA) கடந்த சில நாட்களாக நீடித்து வந்த புழுக்கமான மற்றும் உஷ்ணமான வானிலை மாறி, இந்த வார இறுதியில் மிகவும் இதமான வானிலை நிலவக்கூடும் என CP24 வானிலை ஆய்வாளர் Bill Coulter தெரிவித்துள்ளார்.
வியாழக்கிழமை பெய்த மழையைத் தொடர்ந்து வறண்ட மற்றும் குளிர்ச்சியான காற்று இப்பகுதிக்குள் நுழைந்துள்ளதால், வெள்ளிக்கிழமை சில இடங்களில் லேசான மழை பெய்தாலும், வானம் படிப்படியாக மேகமூட்டமின்றித் தெளிவாகும் என எதிர்பார்க்கப்படுகிறது.
சனிக்கிழமை பிரகாசமாகவும், ஞாயிற்றுக்கிழமை நல்ல வெயிலுடனும், உஷ்ணக் குறைவு காரணமாக மிகவும் இதமான சூழல் நிலவும் என Environment Canada கணித்துள்ளது.
இவ்விரு நாட்களிலும் அதிகபட்ச வெப்பநிலை 28 முதல் 29 பாகை செல்சியஸ் (C) வரை பதிவாகலாம்.
இருப்பினும், திங்கட்கிழமை முதல் மீண்டும் வெப்பமண்டலக் காற்று இப்பகுதிக்குள் நுழையவுள்ளதால், செவ்வாய் மற்றும் புதன்கிழமைகளில் வெப்பநிலை முறையே 31, 33 மற்றும் 30 பாகை செல்சியஸ் வரை உயர்ந்து, மீண்டும் கடுமையான புழுக்கமும் வெப்பமும் ஏற்படக்கூடும் என Bill Coulter எச்சரித்துள்ளார்.
வியாழக்கிழமை வெப்பநிலை சற்று குறைந்து, மீண்டும் மழைக்கான வாய்ப்புகள் உள்ளதாகக் கூறப்பட்டுள்ளது.
