பிற நாடுகளிலிருந்து இறக்குமதி செய்யப்பட்ட உணவுப் பொருட்களை, கனடியத் தயாரிப்புகள் எனத் தவறாக விளம்பரப்படுத்தியதற்காக லோப்லா (Loblaw) நிறுவனத்திற்குச் சொந்தமான கடைக்கு கனடிய உணவு ஆய்வு முகமை (CFIA) $10,000 அபராதம் விதித்துள்ளது.
டொராண்டோவில் உள்ள Fortinos கிளையில், பிரான்ஸ் நாட்டில் தயாரிக்கப்பட்ட பாலாடைக்கட்டியை (Cheese) கனடியத் தயாரிப்பைக் குறிக்கும் மேப்பிள் இலைச் சின்னத்துடன் காட்சிப்படுத்தியதே இந்தத் தண்டனைக்குக் காரணமாகும்.
இதேபோன்ற விதிமீறலுக்காக கடந்த மாதம் மற்றுமொரு Superstore கிளைக்கும் அபராதம் விதிக்கப்பட்டது.
“கனடியத் தயாரிப்புகளை வாங்குவோம்” (Buy Canadian) என்ற இயக்கம் வலுவடைந்து வரும் நிலையில், நுகர்வோரைத் தவறாக வழிநடத்தும் இத்தகைய செயல்களைத் தடுக்க CFIA கடும் நடவடிக்கைகளை எடுத்து வருகிறது.
இதேபோன்ற புகார்கள் தொடர்பாக தற்போது சோபிஸ் (Sobeys) நிறுவனத்தின் தலைமை அலுவலகத்திலும் விசாரணைகள் தீவிரப்படுத்தப்பட்டுள்ளன.
லோப்லா நிறுவனம் இத்தவறுகளுக்காக மன்னிப்புக் கோரியுள்ள போதிலும், பெரிய நிறுவனங்களுக்கு விதிக்கப்படும் இந்த $10,000 அபராதம் மிகவும் குறைவானது என முன்னாள் அதிகாரிகள் விமர்சித்துள்ளனர்.
