கனடாவின் நோவா ஸ்கோட்டியா (Nova Scotia) மாகாணக் கடற்பரப்பில், வழக்கத்திற்கு மாறாக வெப்பமண்டல மீன்கள் (Tropical Fish) அதிகளவில் தென்படுவது விஞ்ஞானிகளிடையே கவலையை ஏற்படுத்தியுள்ளது.
பொதுவாகக் கரீபியன் போன்ற வெப்பமான கடல் பகுதிகளில் வாழும் cornetfish மற்றும் spotfin butterflyfish போன்ற மீன்கள் தற்போது நோவா ஸ்கோட்டியாவின் கிழக்குக் கடற்கரைப் பகுதிகளில் கண்டறியப்பட்டுள்ளன.
கடல் நீரோட்டங்களில் ஏற்படும் மாற்றம் மற்றும் புவி வெப்பமடைதல் காரணமாக இந்த மீன்கள் வடக்கு நோக்கி நகர்ந்து வருவதாக Dalhousie University பேராசிரியர் Boris Worm தெரிவித்துள்ளார்.
தற்போதைய நிலையில், குளிர்காலக் கடும் குளிரைத் தாங்க முடியாமல் இந்த மீன்கள் இறந்துவிட்டாலும், எதிர்காலத்தில் இவை உள்ளூர் கடல் சார் சூழலை மாற்றியமைக்கக்கூடும் என அஞ்சப்படுகிறது.
இத்தகைய புதிய வகை மீன்களின் வருகை, உள்ளூர் மீன்களுக்குப் புதிய உணவாக அமையலாம் என்றாலும், இவை புதிய வகை ஒட்டுண்ணிகளைக் (Parasites) கொண்டு வரக்கூடும் என்பதால் தொடர்ச்சியான கண்காணிப்பு அவசியம் என DFO விஞ்ஞானி Ryan Stanley குறிப்பிட்டுள்ளார்.
மரபணு சோதனை (environmental DNA) மூலம் இந்தப் புதிய மாற்றங்களை விஞ்ஞானிகள் தற்போது ஆய்வு செய்து வருகின்றனர்.
