கனடாவின் St. John’s நகரில், இந்த குளிர்காலத்தில் வீட்டு வெப்பமூட்டும் (Furnace oil) செலவுகள் கணிசமாக அதிகரிக்கக்கூடும் என்பதால், ஓய்வுபெற்ற Donna Lawlor போன்ற குடிமக்கள் தங்கள் பயணங்கள் மற்றும் அவசியமற்ற செலவுகளைக் குறைத்து வருகின்றனர்.
மத்திய கிழக்கு மற்றும் ஈரானுடனான போர் சூழல் காரணமாக உலகளாவிய எண்ணெய் சந்தையில் ஏற்பட்டுள்ள தாக்கம், கனடாவில் எரிபொருள் விலையை உச்சத்திற்கு கொண்டு சென்றுள்ளது.
கடந்த அக்டோபர் 3 அன்று St. John’s நகரில் பர்னேஸ் எண்ணெய் லிட்டருக்கு $2.16 ஆக விற்கப்பட்டது. இது முந்தைய ஆண்டைக் காட்டிலும் கிட்டத்தட்ட ஒரு டொலர் கூடுதலாகும்.
ஒரு சாதாரண 900 லிட்டர் எண்ணெய் தொட்டியை நிரப்ப $1950 வரை செலவாவதுடன், வரி சேர்த்து இத்தொகை $2240 வரை உயரும்.
இதனால் Donna Lawlor தனது மாதாந்திர வெப்பமூட்டும் பட்ஜெட்டை $300-ல் இருந்து $400-ஆக உயர்த்த வேண்டிய கட்டாயத்திற்கு தள்ளப்பட்டுள்ளார்.
நியூபவுண்ட்லாந்து மற்றும் லாப்ரடோர் (Newfoundland and Labrador) மாகாண அரசு, எண்ணெய் வெப்பமூட்டலைப் பயன்படுத்தும் குடும்பங்களுக்கு $500 வரை மானியம் வழங்குவதுடன், மின் கட்டணத்தில் 15 சதவீத தள்ளுபடியும் வழங்கப்படும் என உறுதியளித்துள்ளது.