கனடாவின் மார்க் கார்னி (Mark Carney) அரசாங்கம் செலவினக் குறைப்பு நடவடிக்கைக மேற்கொண்டு வருகிறது.
அதன் ஒரு பகுதியாக, அடுத்த மூன்று ஆண்டுகளில் சுமார் 12,000 முழுநேர அரச உத்தியோகங்களை (Full-time equivalent positions) குறைக்கத் திட்டமிட்டுள்ளது.
2026-27 ஆம் ஆண்டிற்கான திணைக்கள அறிக்கைகளின் மூலம் இந்தத் தகவல் வெளியாகியுள்ளது.
முக்கியமாக, பொதுச் சேவைகள் மற்றும் கொள்முதல் திணைக்களத்தில் (Public Services and Procurement Canada) 1,793 இடங்களும், கனடா புள்ளிவிபரத் திணைக்களத்தில் (Statistics Canada) 900 இடங்களும், சுகாதாரத் திணைக்களத்தில் (Health Canada) 942 இடங்களும் குறைக்கப்படவுள்ளன.
மேலும், கனடிய விண்வெளி முகமை (Canadian Space Agency) தனது நிலவு வாகனத் திட்டத்தை (LEAP Lunar Rover Mission) நிறுத்த முடிவு செய்துள்ளது.
செலவுகளைக் குறைக்க செயற்கை நுண்ணறிவு (AI) தொழில்நுட்பத்தைப் பயன்படுத்தப் போவதாகச் சில திணைக்களங்கள் தெரிவித்துள்ளன.
எனினும், இந்த ஆட்குறைப்பு நடவடிக்கை பொதுச் சேவைகளைப் பலவீனப்படுத்தும் என்று அரச ஊழியர் சங்கத்தின் (PSAC) தலைவர் ஷரோன் டிசோசா (Sharon DeSousa) கண்டனம் தெரிவித்துள்ளார்.
எதிர்க்கட்சியினரும் இந்தத் திட்டத்தில் தெளிவான திட்டமிடல் இல்லை என விமர்சித்துள்ளனர்.
