கனடாவின் மிகவும் தேடப்பட்டு வந்த குற்றவாளியான 24 வயது Bryan Fuentes Gramajo, மொன்றியல் பொலிசாரினால் புதன்கிழமை நள்ளிரவு அதிரடியாகக் கைது செய்யப்பட்டார்.
மொன்றியலின் Rosemont–La Petite-Patrie பகுதியில் அதிகாலை 2:40 மணியளவில், சிறப்பு அதிரடிப்படையினரால் (SWAT team) இவர் எவ்வித அசம்பாவிதமுமின்றி கைது செய்யப்பட்டார்.
கடந்த ஜூலை மாதம் ரொறன்ரோவின் Yorkdale Shopping Centre வாகன தரிப்பிடத்தில் 28 வயதுடைய Kashif Jamal Bentley-Jean என்பவர் சுட்டுக்கொல்லப்பட்ட சம்பவத்தில், இவர் மீது முதல் நிலை கொலைக் குற்றச்சாட்டு சுமத்தப்பட்டுள்ளது.
Bolo Program மூலம் கனடாவின் தேடப்படும் முதல் நிலை குற்றவாளியாக அறிவிக்கப்பட்ட இவர், மொன்றியலைச் சேர்ந்த Zone 43 எனும் கும்பலுடன் தொடர்புடையவர் என சந்தேகிக்கப்படுகிறது.
மொன்றியல் நீதிமன்றத்தில் முன்னிலைப்படுத்தப்பட்ட பின்னர், இவர் மேலதிக விசாரணைக்காக ரொறன்ரோவுக்கு மாற்றப்படவுள்ளார்.
வரும் மார்ச் 10 அன்று இவர் ரொறன்ரோ நீதிமன்றத்தில் ஆஜர்படுத்தப்படுவார்.
