பல்வேறு குற்றச்சாட்டுகளில் குற்றவாளிகளாகக் அறியப்பட்ட இருவரின் உயரிய ‘ஆர்டர் ஆப் கனடா’ (Order of Canada) கௌரவப் பட்டங்களை நீக்குவதற்கு கனடாவின் கவர்னர் ஜெனரல் மேரி சைமன் (Mary Simon) ஒப்புதல் அளித்துள்ளார்.
‘ஸ்ட்ரீட் கிட்ஸ் இன்டர்நேஷனல்’ தொண்டு நிறுவனத்தின் நிறுவனர் பீட்டர் டல்க்ளிஷ் (Peter Dalglish) மற்றும் ‘SNC-Lavalin’ நிறுவனத்தின் முன்னாள் தலைமை நிர்வாக அதிகாரி ஜாக் லெமாரே (Jacques Lamarre) ஆகிய இருவரின் கௌரவங்களே இவ்வாறு நீக்கப்பட்டுள்ளன.
2016 இல் இந்த விருது வழங்கப்பட்ட பீட்டர், நேபாளத்தில் 11 மற்றும் 14 வயதுடைய இரு சிறுவர்களைப் பாலியல் துஷ்பிரயோகம் செய்த குற்றச்சாட்டில் 16 ஆண்டுகள் சிறைத்தண்டனை விதிக்கப்பட்டு சிறையிலுள்ளார்.
2005 இல் விருது பெற்ற ஜாக் லெமாரே ஒரு பொறியியலாளர் ஆவார்.
இவர், லிபியாவின் முன்னாள் அதிபர் கடாபியின் குடும்பத்தினருக்கு $2 மில்லியன் இலஞ்சம் கொடுத்து ஊழல் மற்றும் சதியில் ஈடுபட்ட குற்றத்திற்காகக் கடந்த ஜனவரியில் அவரது உரிமம் ரத்து செய்யப்பட்டு, $75,000 அபராதம் விதிக்கப்பட்டது.
இதற்கு முன்னர் கான்ராட் பிளாக் (Conrad Black), பஃபி செயின்ட்-மேரி (Buffy Sainte-Marie) மற்றும் கார்த் டிராபின்ஸ்கி (Garth Drabinsky) ஆகியோரின் ‘ஆர்டர் ஆப் கனடா’ விருதுகளும் இதேபோன்று பல்வேறு மோசடி மற்றும் முறைகேடு காரணங்களால் பறிக்கப்பட்டிருந்தமை குறிப்பிடத்தக்கது.
தவறிழைப்பவர்கள் எவ்வளவு உயரிய பதவியில் அல்லது கௌரவத்தில் இருந்தாலும் சட்டம் தன் கடமையைச் செய்யும் என்பதை இந்த நடவடிக்கை உணர்த்தியுள்ளது.
