ஈஸ்ட் யோர்க் பகுதியில் இரு பெண்களுக்கு இடையே மோதல் – ஒருவர் கத்திக்குத்துக்கு இலக்கு!

றொரண்டோவின் ஈஸ்ட் யோர்க் (East York) பகுதியில் புதன்கிழமை இரவு இரண்டு பெண்களுக்கு இடையே ஏற்பட்ட மோதல் கத்திக்குத்தில் முடிந்துள்ளதாக பொலிஸார் தெரிவித்துள்ளனர்.

லம்ஸ்டன் அவென்யூ (Lumsden Avenue) மற்றும் ஈஸ்ட்டேல் அவென்யூ (Eastdale Avenue) சந்திப்புப் பகுதியில் இரவு 10:40 மணியளவில் இரண்டு பெண்களுக்கு இடையே மோதல் ஏற்பட்டுள்ளதாக பொலிஸாருக்குத் தகவல் கிடைத்துள்ளது.

இந்த மோதலில் 40 வயதுகளில் மதிக்கத்தக்க பெண் ஒருவர் கத்தியால் குத்தப்பட்டு காயமடைந்தார்.

உடனடியாக அவர் சிகிச்சைக்காக மருத்துவமனைக்கு அழைத்துச் செல்லப்பட்டார். அவரது காயங்கள் உயிருக்கு ஆபத்தானவை அல்ல எனத் தெரிவிக்கப்பட்டுள்ளது.

சம்பவ இடத்திலேயே மோதலில் ஈடுபட்ட மற்றைய 47 வயதுடைய பெண்ணை பொலிஸார் கைது செய்துள்ளனர்.

இந்தச் சம்பவம் தொடர்பாக பொலிஸார் மேலதிக விசாரணைகளை மேற்கொண்டு வருகின்றனர்.

மேலதிக விபரங்கள் எதனையும் பொலிஸார் தற்போது வெளியிடவில்லை.

ஈஸ்ட் யோர்க் பகுதியில் இரவு நேரத்தில் இடம்பெற்ற இந்த வன்முறைச் சம்பவம் அப்பகுதி மக்களிடையே சிறு பரபரப்பை ஏற்படுத்தியுள்ளது.