பாலியல் குற்றச்சாட்டுக்கள் மற்றும் முறையற்ற நடத்தை புகார்களுக்கு உள்ளாகியுள்ள Andrew Mountbatten-Windsor-ஐ, அரச வாரிசு வரிசையில் (Line of Succession) இருந்து நீக்க வேண்டும் என பிரதமர் Mark Carney தெரிவித்துள்ளார்.
தற்போது ஜப்பானின் Tokyo நகரில் இருக்கும் அவர், அந்தோணி அல்பானிஸை (Anthony Albanese) சந்தித்த பின் இதனைத் தெரிவித்தார்.
ஆண்ட்ரூவின் செயல்கள் “வருந்தத்தக்கவை” எனக் குறிப்பிட்ட Carney, அவர் ஏற்கனவே தனது அரச பட்டங்களைத் துறந்துள்ள நிலையில், வாரிசு வரிசையில் இருந்தும் நீக்கப்படுவது அவசியம் என்பதையும் வலியுறுத்தியுள்ளார்.
இந்த மாற்றத்தைச் செய்ய பிரித்தானியா, கனடா மற்றும் ஆஸ்திரேலியா உள்ளிட்ட 15 பொதுநலவாய நாடுகளும் (Commonwealth Realms) ஒன்றிணைந்து சட்டத் திருத்தங்களை மேற்கொள்ள வேண்டும்.
ஏற்கனவே ஆஸ்திரேலிய பிரதமர், இது தொடர்பாக பிரித்தானிய பிரதமர் Keir Starmer-க்கு கடிதம் எழுதியுள்ளமை குறிப்பிடத்தக்கது.
