சர்ரே (Surrey) நகரின் நியூட்டன் மையப்பகுதியை அடுத்த 30 ஆண்டுகளில் ஒரு நவீன நகர்ப்புற மையமாக மாற்ற, சர்ரே நகர அபிவிருத்தி நிறுவனம் (SCDC) மற்றும் டிரான்ஸ்லிங்க் (TransLink) ஆகியன கைகோர்த்துள்ளன.
இதற்கான ‘நியூட்டன் சென்டர் மாஸ்டர் டெவலப்மென்ட் பிளான்’ (Newton Centre Master Development Plan) இன்று வெளியிடப்பட்டுள்ளது.
அதில், கிங் ஜார்ஜ் பவுலேவார்ட் (King George Boulevard) வழியாகச் செல்லவுள்ள 19 கி.மீ நீளமுள்ள புதிய அதிவேகப் பேருந்து பாதை (BRT), இந்தத் திட்டத்தின் முதுகெலும்பாக அமையும். இது பிற்காலத்தில் ஸ்கைட்ரெயின் (SkyTrain) வசதியாக மேம்படுத்தப்பட வாய்ப்புள்ளது.
அதேபோல், சுமார் 40 ஏக்கர் பரப்பளவில் முன்னெடுக்கப்படும் இந்தத் திட்டத்தில், சுமார் 4,000 புதிய குடியிருப்பாளர்கள் வசிக்கும் வகையில் அடுக்குமாடி குடியிருப்புகள் கட்டப்படவுள்ளன.
அதற்குள் இதில் பூங்காக்கள், உணவகங்கள் மற்றும் சில்லறை விற்பனை நிலையங்களுக்கு முன்னுரிமை அளிக்கப்படும்.
இந்தத் திட்டத்தின் மையமாக 300 மில்லியன் டொலர் மதிப்பீட்டில் புதிய ‘நியூட்டன் சமூக மையம்’ (Newton Community Centre) அமையவுள்ளது. இதில் நீச்சல் குளம், நூலகம் மற்றும் மேம்படுத்தப்பட்ட சமூகக் கூடங்கள் இடம்பெறும்.
சந்தை நிலவரங்கள் சிறப்பாக அமையும் பட்சத்தில், இந்தத் திட்டம் மேலும் விரிவுபடுத்தப்பட்டு, 25 மாடிக் கோபுரங்களுடன் சுமார் 6,600 குடியிருப்பாளர்களைக் கொண்ட “ஸ்கைட்ரெயின்-லைட்” (SkyTrain-light) என்ற உயர்தர நகர்ப்புற மாதிரியாக மாற்றவும் திட்டமிடப்பட்டுள்ளது.
இந்தத் திட்டம் பொதுப் போக்குவரத்தை மையமாகக் கொண்ட ஒரு துடிப்பான மற்றும் பாதுகாப்பான நகர மையத்தை உருவாக்கும் நோக்கில் அமைக்கப்பட்டுள்ளது.
