மாண்ட்ரியலில் நடைபெற்று வரும் லிபரல் கட்சியின் கொள்கை மாநாட்டில், கனடியச் சிறுவர்கள் மற்றும் இளைஞர்களுக்கான சமூக ஊடகங்கள் மற்றும் ஏ.ஐ (AI) சாட்போட்களைத் தடை செய்வது குறித்து முக்கிய விவாதங்கள் நடைபெறவுள்ளன.
ஆஸ்திரேலியாவைப் பின்பற்றி, 16 வயதுக்குட்பட்ட சிறுவர்கள் சமூக ஊடகக் கணக்குகளைத் தொடங்குவதைத் தடை செய்ய வேண்டும். பொறுப்பை அந்தந்தத் தளங்களே ஏற்க வேண்டும் என்றும் ஒரு தீர்மானம் முன்மொழியப்பட்டுள்ளது.
ChatGPT போன்ற ஏ.ஐ சாட்போட்கள் மற்றும் ஆபத்தான ஏ.ஐ செயலிகளை 16 வயதுக்குட்பட்டவர்கள் பயன்படுத்துவதைத் தடை செய்ய வேண்டும் என கியூபெக் (Quebec) தரப்பிலிருந்து வலியுறுத்தப்பட்டுள்ளது.
ஆங்கஸ் ரீட் நிறுவனத்தின் (Angus Reid Institute) சமீபத்திய கருத்துக்கணிப்பின்படி, 75 சதவீத கனடியர்கள் 16 வயதுக்குட்பட்டவர்களுக்கான சமூக ஊடகத் தடையை ஆதரிக்கின்றனர்.
பிரதமர் மார்க் கார்னி (Mark Carney), குழந்தைகள் பாதுகாப்பு தொடர்பான சட்டங்கள் கனடாவில் பின்தங்கியிருப்பதாகக் குறிப்பிட்டு, இது குறித்த வெளிப்படையான விவாதம் தேவை எனத் தெரிவித்துள்ளார்.
ஏற்கனவே ஆஸ்திரேலியா, 16 வயதுக்குட்பட்டவர்களுக்கான சமூக ஊடகத் தடையை அமல்படுத்தியுள்ளது.
அமெரிக்காவின் மாசசூசெட்ஸ் (Massachusetts) மாநிலம் 14 வயதுக்குட்பட்டவர்களுக்குத் தடை விதித்துள்ளது.
கனடாவும் இத்தகைய கடுமையான பாதுகாப்பு நடவடிக்கைகளை நோக்கியே நகர்ந்து கொண்டிருக்கிறது.
