மிலனோ-கோர்டினா (Milano Cortina) குளிர்கால ஒலிம்பிக் ஆடவர் ஹாக்கி இறுதிப் போட்டியில், கனடா அணி 2-1 என்ற கோல் கணக்கில் அமெரிக்காவிடம் (USA) தோல்வியடைந்து வெள்ளிப் பதக்கத்தை வென்றது.
கூடுதல் நேரத்தில் (Overtime) அமெரிக்க வீரர் Jack Hughes அடித்த கோல் கனடிய ரசிகர்களை பெரும் அதிர்ச்சியில் ஆழ்த்தியுள்ளது.
டொராண்டோவின் (Toronto) Scotiabank Arena, மொன்ரியல் (Montreal) மற்றும் வான்கூவர் (Vancouver) உள்ளிட்ட நகரங்களில் அதிகாலை முதலே திரண்டிருந்த ஆயிரக்கணக்கான ரசிகர்கள், இந்தத் தோல்வியால் மிகுந்த கவலையடைந்தனர்.
காயம் காரணமாக நட்சத்திர வீரர் Sidney Crosby விளையாடாதது பின்னடைவாக அமைந்தாலும், 19 வயது இளம் வீரர் Macklin Celebrini-யின் ஆட்டம் வருங்காலத்தின் மீதான நம்பிக்கையை அதிகரித்தது.
கனடியப் பிரதமர் Mark Carney, வீரர்களின் கடின உழைப்பைப் பாராட்டியதுடன், வெள்ளிப் பதக்கம் வென்றமைக்காக தனது வாழ்த்துகளைத் தெரிவித்துள்ளார்.
ஏற்கனவே கனடிய பெண்கள் அணியும் அமெரிக்காவிடம் தங்கம் இழந்த நிலையில், ஆண்கள் அணியின் இந்தத் தோல்வி ரசிகர்களிடையே பெரும் ஏமாற்றத்தை ஏற்படுத்தியுள்ளது.
