உலகக் கிண்ணக் கால்பந்து மற்றும் கோடைகாலக் கொண்டாட்டங்களால் களைகட்டும் றொரண்டோ நகர்!

றொரண்டோ (Toronto) நகரில் இந்த வார இறுதியில் கோடைகாலம் அதிகாரப்பூர்வமாகத் தொடங்குவதை முன்னிட்டு, பல்வேறு சிறப்பு நிகழ்வுகள் மற்றும் உலகக் கிண்ணக் கால்பந்து போட்டிகள் கோலாகலமாக நடைபெறவுள்ளன.

சனிக்கிழமை மதியம் 3 மணிக்கு ஜெர்மனி மற்றும் கோட் டி ஐவரி (Germany vs. Côte d’Ivoire) அணிகளுக்கு இடையிலான மூன்றாவது போட்டி றொரண்டோவில் நடைபெறுகிறது.

இதையொட்டி ‘FIFA Fan Festival’ கொண்டாட்டங்களும், நகரின் பல்வேறு பகுதிகளில் நேரடி ஒளிபரப்புகளும் ஏற்பாடு செய்யப்பட்டுள்ளன.

பூர்வீகக் குடிகளின் மாதத்தை சிறப்பிக்கும் வகையில் ‘Biidaasige Park’ இல் சனிக்கிழமை காலை 11 மணி முதல் கலை, இசை மற்றும் உணவுத் திருவிழா நடைபெறுகிறது.

லத்தீன் அமெரிக்க மற்றும் ஆசிய சமூகங்களின் கலாச்சாரத்தை பிரதிபலிக்கும் இந்த விழா ‘Nathan Phillips Square’ இல் சனிக்கிழமை நள்ளிரவு வரை நடைபெறவுள்ளது.

‘Woodbine Park’ இல் நேரடி இசை மற்றும் உணவுடன் இந்த விழா ஞாயிறு இரவு வரை நடைபெறுகிறது.

தந்தையர் தினத்தை முன்னிட்டு, இந்த வார இறுதியில் ஒன்ராறியோவில் (Ontario) உரிமம் இன்றி பொதுமக்கள் இலவசமாக மீன்பிடிக்கலாம்.

பொதுப் போக்குவரத்துகளான TTC மற்றும் GO Transit சேவைகளில் இந்த வார இறுதியில் மூடல்கள் ஏதும் இல்லை.

மாறாக, உலகக் கிண்ணப் போட்டிகளுக்காக கூடுதல் சேவைகள் வழங்கப்படும்.

இருப்பினும், சனிக்கிழமை (June 20) காலை 11 மணி முதல் இரவு 9 மணி வரை ‘Fort York Boulevard’, ‘Lake Shore Boulevard West’, ‘Dufferin Street’, ‘Strachan Avenue’ உள்ளிட்ட முக்கிய வீதிகள் மூடப்பட்டிருக்கும்.

மேலும், ‘Journey to Conquer Cancer’ ஓட்டப்பந்தயம் காரணமாக ‘Varsity Stadium’ ஐ சுற்றியுள்ள வீதிகளும், ‘Gardiner Expressway’ நெடுஞ்சாலையின் ஒரு பகுதியும் மூடப்பட்டிருக்கும் என்பதால் வாகன சாரதிகள் அவதானமாக இருக்குமாறு கேட்டுக்கொள்ளப்படுகிறார்கள்.