Toronto நகரில் கடந்த வாரம் முழுவதும் பதிவான கடுமையான வெப்பம் மற்றும் புழுக்கமான வானிலை மாறி, இந்த வாரம் முழுவதும் இதமான, எளிதில் சமாளிக்கக்கூடிய வெப்பநிலை நிலவும் என CP24 வானிலை ஆய்வாளர் Bill Coulter தெரிவித்துள்ளார்.
“கடந்த வாரத்தின் கடுமையான கோடை வெயில் குறைந்துள்ளது, இந்த வாரம் மிகவும் அழகாக இருக்கும்” என்று அவர் திங்கள்கிழமை குறிப்பிட்டுள்ளார்.
அதன்படி, திங்கள்கிழமை பெரும்பாலும் மேகமூட்டத்துடன் காணப்படும், அதிகபட்ச வெப்பநிலை 26°C ஆக இருக்கும்.
செவ்வாய்க்கிழமை மிதமான காற்றுடன் கூடிய நல்ல வெயில் நிலவும், அதிகபட்ச வெப்பநிலை 27°C ஆக இருக்கும்.
புதன்கிழமை ஓரளவு மேகமூட்டத்துடன், தெற்கு திசைக் காற்றுடன் வெப்பநிலை 30°C வரை உயரக்கூடும்.
வியாழக்கிழமை நாளின் பிற்பகுதியில் மழை பெய்ய வாய்ப்புள்ளது, அதிகபட்ச வெப்பநிலை 29°C ஆக பதிவாகும்.
வெள்ளிக்கிழமை மதியத்திற்குப் பிறகு மறையும் என எதிர்பார்க்கப்படும் மழையுடன், 27°C வெப்பநிலை நிலவும்.
மேலும், வரவிருக்கும் வார இறுதியிலும் (Weekend) நல்ல வெயிலுடன் கூடிய இதமான வானிலை தொடரும் என்றும், அப்போது வெப்பநிலை 27°C முதல் 29°C வரை பதிவாகலாம் என்றும் தெரிவிக்கப்பட்டுள்ளது.
