றொரண்டோவின் நோர்த் யோர்க் (North York) பகுதியில் உள்ள CF Fairview Mall வணிக வளாகத்தில் செவ்வாய்க்கிழமை காலை இடம்பெற்ற துப்பாக்கிச் சூட்டில் பாதுகாப்பு உத்தியோகத்தர் ஒருவர் படுகாயமடைந்துள்ளார்.
காலை 10 மணியளவில் மல்லில் உள்ள Michael Hill நகைக்கடையை கொள்ளையிட்டு தப்பியோடிய சந்தேக நபரை, பாதுகாப்பு உத்தியோகத்தர் தடுக்க முயன்றபோது அவர் சுடப்பட்டார்.
மார்புப் பகுதியில் காயமடைந்த அவர் தற்போது மருத்துவமனையில் சீரான நிலையில் உள்ளார்.
இச்சம்பவத்துடன் தொடர்புடையவர் மொன்றியலை (Montreal) சேர்ந்த 53 வயதுடைய கைல் டக்ளஸ் ப்ரூஸ் (Kyle Douglas Prouse) என பொலிஸார் அடையாளம் கண்டுள்ளனர்.
இவர் ஒரு வெள்ளை நிற வேனில் (White van) தப்பியோடியுள்ளார்.
தேடப்படும் நபருக்கு டொராண்டோ மற்றும் வான்கூவர் (Vancouver) பகுதிகளில் தொடர்புகள் இருப்பதாகவும், ஏற்கனவே 2023-ஆம் ஆண்டு டர்ஹாம் பிராந்தியத்தில் (Durham Region) நிகழ்ந்த திருட்டுச் சம்பவத்திலும் இவர் தேடப்பட்டு வருவதாகவும் பொலிஸார் தெரிவித்துள்ளனர்.
வெள்ளை நிற முகக்கவசம் மற்றும் சாம்பல் நிற ஆடைகளை அணிந்திருந்த இவரைப் பற்றி ஏதேனும் தகவல் தெரிந்தால் உடனடியாக பொலிஸாரைத் தொடர்புகொள்ளுமாறு கேட்டுக் கொள்ளப்பட்டுள்ளனர்.
