றொரண்டோ (Toronto) நகரின் முக்கிய போக்குவரத்துச் சேவையான சுரங்கப்பாதை ரயில் சேவையில் (Subway Service) இன்று காலை மீண்டும் பாதிப்பு ஏற்பட்டுள்ளது.
தொழில்நுட்பக் கோளாறு (Mechanical problem) காரணமாக, Line 2 பாதையின் ஒரு பகுதியில் சுரங்கப்பாதை ரயில் சேவை தற்காலிகமாக நிறுத்தப்பட்டுள்ளது.
வுட்பைன் (Woodbine) மற்றும் பிராட்வியூ (Broadview) நிலையங்களுக்கு இடையே ரயில்கள் தற்போது இயங்கவில்லை என TTC அறிவித்துள்ளது.
இன்று காலை 7 மணிக்குப் பின்னரே இந்தப் பிரச்சினை குறித்து முதன்முதலில் அறிவிக்கப்பட்டது.
பயணிகளின் வசதிக்காக இந்தப் பாதைகளில் தற்போது ஷட்டில் பஸ்கள் (Shuttle buses) இயக்கப்பட்டு வருகின்றன.
நேற்றைய தினம் மென்பொருள் கோளாறு (Software issue) காரணமாக Line 2 மற்றும் Line 4 ஆகிய பாதைகளில் முழுமையான சேவை பாதிப்பு ஏற்பட்ட நிலையில், இன்று மீண்டும் இந்தத் தொழில்நுட்பக் கோளாறு ஏற்பட்டுள்ளது குறிப்பிடத்தக்கது.
அவசரமாகப் பயணிக்கும் பயணிகள் மாற்று வழித்தடங்களைப் பயன்படுத்துமாறு அல்லது மேலதிக நேரத்தை ஒதுக்கிப் பயணத்தைத் திட்டமிடுமாறு அறிவுறுத்தப்படுகிறார்கள்.
