கனடாவில் (Canada) இரத்தக் கையிருப்பு வழமையை விட மிக வேகமாகக் குறைந்து வருவதால், தகுதியுடைய நபர்கள் உடனடியாக இரத்த தானம் செய்ய முன்வருமாறு கனேடிய இரத்த சேவைகள் (Canadian Blood Services) அமைப்பு அழைப்பு விடுத்துள்ளது.
கடந்த ஆறு வாரங்களில் நாட்டின் இரத்தக் கையிருப்பு சுமார் 20 சதவீதம் வீழ்ச்சியடைந்துள்ளது.
வழக்கமாக வாரத்திற்கு 18,000 முதல் 19,000 முன்பதிவுகள் தேவைப்படும் நிலையில், வாரத்திற்கு 1,500 முதல் 2,000 வரை முன்பதிவுகள் குறைந்துள்ளன.
கோடைகாலத்தில் வழக்கமாகக் குறையும் அளவை விட இது மிக அதிகம் என்பதால் அதிகாரிகளும் குழப்பமடைந்துள்ளனர்.
குறிப்பாக, ஓ நெகட்டிவ் (O negative) உட்பட அனைத்து வகையான இரத்தப் பிரிவுகளுக்கும் பற்றாக்குறை நிலவுகிறது.
ஓகஸ்ட் மாத நீண்ட வார இறுதியில் (August long weekend) அவசர சிகிச்சைத் தேவைகள் அதிகரிக்க வாய்ப்புள்ளதால், மருத்துவமனைகளில் தட்டுப்பாடு ஏற்படுவதற்கு முன்பாக பொதுமக்கள் இரத்த தானம் செய்யுமாறு கேட்டுக்கொள்ளப்பட்டுள்ளனர்.
