கனடாவில் குறைந்த வருமானம் பெறும் குடும்பங்களுக்கு வழங்கப்படும், அத்தியாவசியப் பொருட்கள் மற்றும் மளிகைப் பொருட்களுக்கான விசேட நிதியுதவியின் (Canada Groceries and Essentials Benefit) காலாண்டுப் பணம் வழங்கும் நடைமுறை இன்று முதல் ஆரம்பமாகியுள்ளது.
முன்னர் GST/HST Credit என அழைக்கப்பட்ட இந்த உதவித்தொகை, தற்போது 25 சதவீதம் அதிகரிக்கப்பட்டு அடுத்த 5 ஆண்டுகளுக்கு வழங்கப்படவுள்ளது.
குடும்ப நிலை மற்றும் பிள்ளைகளின் எண்ணிக்கையைப் பொறுத்து, ஒரு குடும்பத்திற்கு ஆண்டுக்கு சில நூறு டொலர்கள் முதல் ஆயிரத்திற்கும் மேற்பட்ட டொலர்கள் வரை இந்த உதவித்தொகை கிடைக்கும்.
பொருளாதார நெருக்கடி மற்றும் விலைவாசி உயர்வைச் சமாளிக்க ஏதுவாக, பிரதமர் மார்க் கார்னி (Mark Carney) கடந்த ஜனவரியில் இந்தத் திட்டத்தை அறிவித்திருந்தார்.
இதன் தொடர்ச்சியாக, தகுதியான குடும்பங்களுக்கான காலாண்டுப் பணம் இன்று முதல் அவர்களது வங்கிக் கணக்குகளில் நேரடியாக வைப்பிலிடப்படவுள்ளது.
