கனடாவின் தெற்கு ஒன்டாரியோவில் (Southern Ontario) இடம்பெற்ற ‘Project Bay’ என்ற 18 மாத கால பிரம்மாண்ட பொலிஸ் நடவடிக்கையின் மூலம், சுமார் $139 மில்லியன் டொலர் மதிப்பிலான சட்டவிரோத போதைப்பொருட்கள் கைப்பற்றப்பட்டுள்ளன.
அத்துடன், இராணுவ ரக எதிர்ப்பு ஏவுகணைத் துப்பாக்கி (Anti-tank rifle) உட்பட 17 ஆயுதங்களையும் பொலிஸார் பறிமுதல் செய்துள்ளனர்.
கனடா எல்லை சேவைகள் முகவரகம் (CBSA), ஒன்டாரியோ மாகாண பொலிஸ் (OPP), விண்ட்சர் பொலிஸ் (Windsor Police), றொரண்டோ பொலிஸ் (Toronto Police) மற்றும் பீல் பிராந்திய பொலிஸ் (Peel Regional Police) ஆகிய அமைப்புகள் அமெரிக்க புலனாய்வு நிறுவனங்களுடன் இணைந்து நடத்திய இந்த சோதனையில் 19 பேர் கைது செய்யப்பட்டு, 100-க்கும் மேற்பட்ட குற்றச்சாட்டுகள் சுமத்தப்பட்டுள்ளன.
வர்த்தகப் போக்குவரத்து வாகனங்களைப் (Commercial transportation) பயன்படுத்தி, எல்லை தாண்டி கடத்தப்பட்ட 1.7 டன் எடையுள்ள கொக்கைன் (Cocaine) மற்றும் மெத்தம்பெட்டமைன் (Methamphetamine) போன்ற போதைப்பொருட்கள் கைப்பற்றப்பட்டுள்ளன.
கைதானவர்களில் பெரும்பாலானோர் பிராம்ப்டன் (Brampton) பகுதியைச் சேர்ந்தவர்கள் என்றும், சிலர் றொரண்டோ (Toronto), கிட்சனர் (Kitchener) மற்றும் பாரி (Barrie) ஆகிய இடங்களில் வசிப்பவர்கள் என்றும் தெரிவிக்கப்பட்டுள்ளது. விண்ட்சரைச் (Windsor) சேர்ந்த இருவர் இன்னும் தலைமறைவாக உள்ளனர்.
