கனடாவின் GTA (Greater Toronto Area) பகுதியில் இந்த ஆண்டு கோடைகாலம், வழக்கத்தை விட அதிக மழையுடனும், குளுமையாகவும் இருக்க வாய்ப்புள்ளதாக கணிக்கப்பட்டுள்ளது.
CityNewsஇன் தலைமை வானிலை ஆய்வாளர் (Chief Meteorologist) Natasha Ramsahai வெளியிட்டுள்ள மூன்று மாத காலத்திற்கான காலநிலை முன்னறிவிப்பில் இத்தகவல் தெரிவிக்கப்பட்டுள்ளது.
பசிபிக் பெருங்கடலில் உருவாகும் ‘சூப்பர் எல் நினோ’ (Super El Niño) விளைவு காரணமாக, கடல் நீர் வெப்பநிலை வழக்கத்தை விட 3 முதல் 4 பாகைகள் வரை அதிகரிக்கக்கூடும்.
இது உலகளாவிய வானிலையில் பெரும் தாக்கத்தை ஏற்படுத்தவுள்ளது.
இதனால் ஏற்படும் ‘போலார் ஜெட் ஸ்ட்ரீம்’ (polar jet stream) காற்றின் நகர்வு காரணமாக, Great Lakes மற்றும் Ontario பகுதிகளில் நீண்ட நாட்களுக்கு நீடிக்கும் கடும் வெப்ப அலைகள் (heat waves) குறையும்.
எனினும், Torontoவில் சில நாட்கள் 30 பாகைக்கும் அதிகமான வெப்பம் நிலவக்கூடும்.
இதேவேளை, Ontario, Quebec மற்றும் Atlantic Canada ஆகிய பகுதிகளில் அதிக மழைப்பொழிவு எதிர்பார்க்கப்படும் வேளையில், B.C. மற்றும் Alberta ஆகிய பகுதிகளில் வறண்ட காலநிலையே நிலவும் என கணிக்கப்பட்டுள்ளது.
இது அங்கு காட்டுத்தீ (wildfire) அபாயத்தை அதிகரிக்கலாம் என எச்சரிக்கப்பட்டுள்ளது.
