Canada-வில் வாடகை வீடுகளுக்கான சராசரி மாதக் கட்டணம் கடந்த September மாதத்தில் $2,034 ஆகக் குறைந்துள்ளது.
இது கடந்த ஆண்டை விட 4.2% வீழ்ச்சியாகும். Rentals.ca மற்றும் Urbanation வெளியிட்ட அறிக்கையின்படி, கடந்த இரு ஆண்டுகளாகவே கனடாவில் வாடகை விலைகள் தொடர்ந்து சரிவைச் சந்தித்து வருகின்றன.
மாகாணங்கள் வாரியாக, Ontario-வில் 4.8%, B.C.-யில் 2.9%, Alberta-வில் 2.6% மற்றும் Quebec-இல் 1.7% என வாடகைகள் குறைந்துள்ளன.
Condo ரக வீடுகளின் வாடகை அதிகபட்சமாக 7.8% சரிவைக் கண்டுள்ளது. அதேநேரம், Nova Scotia மற்றும் Saskatchewan மாகாணங்களில் வாடகை 1.4% உயர்ந்துள்ளது.
Toronto மற்றும் Vancouver போன்ற முக்கிய நகரங்களில் புதிய வீடுகளின் வரத்து அதிகரித்ததே இந்நிலைமைக்கு முக்கியக் காரணம் என Urbanation தலைவர் Shaun Hildebrand தெரிவித்துள்ளார்.
இருப்பினும், இந்த இரு நகரங்களிலும் சந்தை மீண்டும் சீரடைந்து வரும் அறிகுறிகள் தென்படுவதாகத் தெரிவிக்கப்பட்டுள்ளது.