றொரண்டோவைச் (Toronto) சேர்ந்த பிரபல சமையற்கலைஞரும், ‘Antler’ உணவகத்தின் இணை உரிமையாளருமான மைக்கேல் ஹண்டர் (Michael Hunter), ஏர் கனடா (Air Canada) நிறுவனத்தால் சேதமடைந்த தனது பயணப் பைக்கு (Luggage) இழப்பீடு பெற இரண்டரை மாதங்கள் போராடியுள்ளார்.
கடந்த ஏப்ரல் 17 அன்று ஆஸ்டின் (Austin) நகரிலிருந்து றொரண்டோ பியர்சன் (Toronto Pearson) விமான நிலையம் திரும்பியபோது, அவரது $250 மதிப்புள்ள ‘Eddie Bauer’ ரகப் பை முற்றிலும் கிழிந்து சேதமடைந்துள்ளது.
இதுகுறித்து ஆன்லைனில் புகார் அளிக்க முடியாததால், அவர் நேரில் சென்று புகார் அளித்துள்ளார்.
எனினும், ஏர் கனடா நிறுவனம் அவருக்குப் பொருத்தமற்ற மாற்றுப் பையை வழங்க முன்வந்ததோடு, பின்னர் அவரது புகாரைத் தீர்க்காமலேயே ‘நெருக்கடி தீர்க்கப்பட்டுவிட்டது’ (Resolved) எனத் தவறாகக் காட்டியுள்ளது.
தான் ஏர் கனடாவின் ‘Aeroplan 50K Status’ கொண்ட முக்கிய வாடிக்கையாளர் என்பதைச் சுட்டிக்காட்டி, பலமுறை தொடர் முயற்சிகளை மேற்கொண்ட பிறகே, ஜூன் 29 அன்று அவருக்கு முழு இழப்பீட்டுத் தொகை வழங்கப்பட்டுள்ளது.
விதிமுறைகளின்படி 30 நாட்களுக்குள் இழப்பீடு வழங்கப்பட வே ஒஉஉண்டும் என்றும், ஏர் கனடா போன்ற நிறுவனங்கள் சட்டத்திற்குப் புறம்பாகத் தங்களது சொந்தக் கொள்கைகளை பயணிகள் மீது திணிக்க முயல்வதாகவும் விமானப் பயணிகள் உரிமைகள் அமைப்பின் நிறுவனர் காபோர் லுகாக்ஸ் (Gábor Lukács) குற்றம் சாட்டியுள்ளார்.
