வட அமெரிக்காவின் மிகப்பெரிய ‘பிரைட்’ திருவிழாவை நடத்தும் பிரைட் றொரண்டோ (Pride Toronto) அமைப்பு, கடந்த ஆண்டு 900,000 டொலர்கள் பற்றாக்குறையை எதிர்கொண்டது.
இந்நிலையில், பல்வேறு செலவுக் குறைப்புகளுக்குப் பின்னரும் தற்போது 700,000 டாலர்கள் பற்றாக்குறையில் உள்ளது.
நிதி நெருக்கடி காரணமாக நிகழ்ச்சிகளின் அளவு, பகுதிநேர ஊழியர்களின் எண்ணிக்கை மற்றும் நிர்வாகச் செலவுகள் குறைக்கப்பட்டுள்ளதாக அமைப்பின் நிர்வாக பணிப்பாளர் கோஜோ மொடெஸ்டி (Kojo Modeste) தெரிவித்துள்ளார்.
கூகுள் (Google), ஹோம் டிப்போ (Home Depot), நிசான் (Nissan) போன்ற முக்கிய நிறுவனங்கள் தங்களது நிதி ஆதரவை விலக்கிக்கொண்டமை மற்றும் பாதுகாப்புச் செலவுகளுக்காக ஆண்டுதோறும் 425,000 டொலர்களுக்கு மேல் செலவாவதுமே இந்த நிதி நெருக்கடிக்கு முதன்மைக் காரணமாகும்.
இந்த வார இறுதியில் திருவிழா நடைபெறவுள்ள நிலையில், அமைப்பின் எதிர்காலத் தேவைகளைத் தக்கவைக்க தனிநபர் நன்கொடைகள், நிறுவனங்களின் ஆதரவு மற்றும் அரசாங்க நிதி உதவி ஆகிய மூன்றும் அவசியமாக உள்ளதாகக் கோரப்பட்டுள்ளது.