டொராண்டோவின் (Toronto) ஸ்கார்பரோ (Scarborough) பகுதியில் உள்ள சில்லறை விற்பனை கடை ஒன்றிற்குள், 8 வயது சிறுமி ஒருவருக்கு பாலியல் தொல்லை (Sexual assault) கொடுத்த சந்தேக நபரை அடையாளம் காண டொராண்டோ பொலிஸார் பொதுமக்களின் உதவியை நாடியுள்ளனர்.
கடந்த மே 12 அன்று மாலை 4 மணியளவில், பின்ச் அவென்யூ ஈஸ்ட் மற்றும் மெக்கோவன் ரோடு (Finch Avenue East and McCowan Road) பகுதியில் உள்ள ஒரு கடையில் இச்சம்பவம் நிகழ்ந்துள்ளது.
கடையில் இருந்த சிறுமியை அணுகிய அந்த நபர், அவளுக்கு பாலியல் தொல்லை கொடுத்து பின்தொடர்ந்துள்ளார்.
பின்னர் அவளைப் பிடிக்க முயன்றபோது, சிறுமி தனது குடும்பத்தினருக்கு விபரத்தைக் கூறியுள்ளார்.
சிறுமியின் குடும்ப உறுப்பினர் ஒருவர் அந்த நபரைத் தடுத்துக் கேள்வி எழுப்பியபோது, அந்த நபர் அங்கிருந்து தப்பியோடியுள்ளார்.
அவர் 20 முதல் 30 வயதுடையவர் என்றும் கண்ணாடி அணிந்திருந்தாகவும் அடையாளம் கூறப்படுகிறது.
கடைசியாக அவர் பின்னோக்கித் திருப்பியவாறு வெள்ளை நிற லோகோ கொண்ட பச்சை நிற நைக் (Nike) தொப்பி, பச்சை நிற முழுக்கை டி-சர்ட் மற்றும் இடது காலில் வெள்ளை நிற எழுத்துக்கள் பொறிக்கப்பட்ட கருப்பு நிற டிராக் பேண்ட் (Track pants) அணிந்திருந்தாக பொலிஸார் கூறியுள்ளனர்.
இது குறித்து ஏதேனும் தகவல் தெரிந்தால், 416-808-7474 என்ற எண்ணிலோ அல்லது கிரைம் ஸ்டாப்பர்ஸ் (Crime Stoppers) மூலமாகவோ பொலிஸார்யைத் தொடர்பு கொள்ளுமாறு கேட்டுக்கொள்ளப்பட்டுள்ளது.
