கனடாவின் டொராண்டோ நகரில் உள்ள பிஸியான சர்ச் ஸ்ட்ரீட்டின் (Church Street) ஒரு பகுதி, இந்த கோட காலத்தில் இரண்டு மாதங்களுக்கு வாகனப் போக்குவரத்தற்ற பாதசாரிகள் மண்டலமாக (Car-free zone) மாற்றப்படவுள்ளது.
ஜூன் 19 முதல் ஆகஸ்ட் 21 வரையிலான காலகட்டத்தில், வெல்லஸ்லி (Wellesley) மற்றும் அலெக்சாண்டர் (Alexander) வீதிகளுக்கு இடைப்பட்ட சர்ச் ஸ்ட்ரீட் பகுதி வாகனங்களுக்கு மூடப்படும்.
எனினும், கிழக்கு-மேற்கு திசையிலான இணைப்புகள் வாகனப் போக்குவரத்திற்காகத் திறந்திருக்கும்.
நகர சபை உறுப்பினர் கிறிஸ் மொய்ஸ் (Coun. Chris Moise) முன்வைத்த இந்தத் திட்டத்திற்கு இந்த வாரம் நகர சபை ஒப்புதல் அளித்துள்ளது.
இப்பகுதியில் பேருந்து அல்லது வீதி உலா வாகன (TTC) வழிகள் இல்லாததால், பொதுப் போக்குவரத்திற்குப் பெரிய பாதிப்பு இருக்காது என அவர் குறிப்பிட்டுள்ளார்.
எனினும், இதனால் பொதுப் பாதுகாப்பு, அவசர காலச் சேவைகளின் விரைவுத்தன்மை அல்லது போக்குவரத்து நெரிசலில் தேவையற்ற பாதிப்புகள் ஏற்பட்டால், இந்தத் திட்டத்தை எப்போது வேண்டுமானாலும் ரத்து செய்யலாம் என்ற திருத்தத்தை மற்றொரு சபை உறுப்பினர் பிராட் பிராட்போர்ட் (Coun. Brad Bradford) இணைத்துள்ளார்.
