அமெரிக்காவின் டென்னசி (Tennessee) மாநிலத்தில் தனது மனைவியைச் சுட்டுக் கொல்ல முயன்றதாகக் குற்றம் சாட்டப்பட்ட முன்னாள் விசேட படை வீரர் ஒருவரைப் பொலிஸார் தீவிரமாகத் தேடி வருகின்றனர்.
வயதுடைய கிரேக் பெர்ரி (Craig Berry) என்பவர், கடந்த வெள்ளிக்கிழமை டோவர் (Dover) பகுதியில் தனது மனைவியைச் சுட்டுவிட்டுத் தப்பியோடினார்.
காயமடைந்த அவரது மனைவி தற்போது மருத்துவமனையிலிருந்து விடுவிக்கப்பட்டுள்ளார்.
பெர்ரி 1992 முதல் 2016 வரை அமெரிக்க இராணுவத்தில் பணியாற்றிய அனுபவம் கொண்டவர்.
அவர் நான்கு முறை ஈராக் போரில் பங்கேற்றதுடன், உயிர்வாழும் நுணுக்கங்களில் (Survival tactics) நிபுணத்துவம் பெற்றவர்.
அடர்ந்த காட்டுப் பகுதிகளில் பெர்ரி மறைந்திருப்பதாகக் கருதும் அதிகாரிகள், டிரெயில் கேமரா (Trail camera) மூலம் பெறப்பட்ட அவரது புகைப்படத்தை அடிப்படையாகக் கொண்டு தேடி வருகின்றனர்.
அவர் ஆயுதங்களுடன் இருப்பதால் பொதுமக்கள் எச்சரிக்கையாக இருக்குமாறு அறிவுறுத்தப்பட்டுள்ளனர்.
இந்தத் தேடுதல் வேட்டை காரணமாக அப்பகுதியில் உள்ள பாடசாலைகளில் தற்காலிகப் பாதுகாப்புக் கட்டுப்பாடுகள் விதிக்கப்பட்டன.
அமெரிக்க மார்ஷல் சேவை (U.S. Marshals Service) உட்படப் பல பாதுகாப்பு முகமைகள் இந்தத் தேடுதல் பணியில் இணைந்துள்ளன.
அவர் மிகச்சிறந்த நீச்சல் வீரர் என்பதோடு, உடல் ரீதியாக மிகவும் வலிமையானவர் என்பதால் இந்தத் தேடுதல் பணி சவாலானதாக உள்ளதாகப் பொலிஸார் தெரிவித்துள்ளனர்.
