டொராண்டோ (Toronto) மற்றும் அதனைச் சூழவுள்ள பகுதிகளில் (GTA) இன்று வெள்ளிக்கிழமை வசந்த காலம் (Spring) தொடங்கவுள்ளது.
இந்நிலையில், எதிர்பாராத விதமாக பனிப்பொழிவு மற்றும் உறைபனி மழை (Freezing rain) பெய்யக்கூடும் என வானிலை ஆய்வாளர்கள் எச்சரித்துள்ளனர்.
இதுகுறித்து, கனடா சுற்றுச்சூழல் மற்றும் காலநிலை மாற்றத் திணைக்களம் (Environment and Climate Change Canada) விசேட அறிவிப்பொன்றை விடுத்துள்ளது.
அதற்கமைய, இன்று முதல் டொராண்டோ மற்றும் அதனை அண்மித்த பகுதிகளில் 2 முதல் 5 சென்டிமீட்டர் வரையிலான பனிப்பொழிவு மற்றும் பனிக்கட்டிகளுடன் கூடிய மழை எதிர்பார்க்கப்படுகிறது.
இதனால் வீதிகள் மற்றும் நடைபாதைகள் வழுக்கும் தன்மையுடன் காணப்படும் என்பதால், மக்கள் வழுக்கி விழுந்து காயமடைய வாய்ப்புள்ளதாக எச்சரிக்கப்பட்டுள்ளது.
குறிப்பாக, காலை நேர நெரிசலான போக்குவரத்து (Rush hour traffic) இதனால் பாதிக்கப்படக்கூடும் என்பதால் வாகன ஓட்டுநர்கள் அவதானமாக இருக்குமாறு கேட்டுக்கொள்ளப்பட்டுள்ளனர்.
