தெற்கு கியூபெக்கில் (Southern Quebec) எதிர்பார்க்கப்படும் கடும் பனிமழை (Freezing rain) காரணமாக, முன்னெச்சரிக்கை நடவடிக்கையாக புதன்கிழமை பாடசாலைகள் மற்றும் கல்வி நிறுவனங்களை மூட அதிகாரிகள் உத்தரவிட்டுள்ளனர்.
மொன்றியலில் உள்ள CSSDM, English Montreal School Board (EMSB), மற்றும் Marguerite-Bourgeoys ஆகிய பாடசாலை வாரியங்கள் முழுமையாக மூடப்படுவதாக அறிவித்துள்ளன.
Concordia மற்றும் McGill பல்கலைக்கழகங்கள் தங்களது நேரடி வகுப்புகளை ரத்து செய்துள்ளன.
லாவல் (Laval), வடக்கு கரை (North Shore) மற்றும் கியூபெக் சிட்டி (Quebec City) பகுதிகளில் உள்ள பாடசாலைகளும் மூடப்பட்டுள்ளன.
பனிச்சறுக்கு விளையாட்டிற்குப் புகழ்பெற்ற Mont-Tremblant, Bromont மற்றும் Sutton போன்ற இடங்களும் இன்று இயங்காது என அறிவிக்கப்பட்டுள்ளது.
சுமார் 20 முதல் 30 மில்லிமீட்டர் வரை பனிமழை பொழியக்கூடும் என்பதால், அத்தியாவசியமற்ற பயணங்களைத் தவிர்க்குமாறு Environment Canada மக்களைக் கேட்டுக்கொண்டுள்ளது.
