Toronto நகரின் மையப்பகுதியில் அமைந்துள்ள அமெரிக்கத் தூதரகத்தின் (U.S. Consulate) மீது இன்று அதிகாலை மர்ம நபர்கள் துப்பாக்கிச் சூடு நடத்தியுள்ளனர்.
செவ்வாய்கிழமை அதிகாலை சுமார் 5:29 மணியளவில் University Avenue மற்றும் Queen Street West சந்திப்பில் அமைந்துள்ள தூதரகக் கட்டடத்தை நோக்கி துப்பாக்கிச் சூடு நடத்தப்பட்டுள்ளது.
இதனால், தூதரகத்தின் கதவு சேதமடைந்துள்ளதுடன், கட்டடத்திற்கு வெளியே சுமார் 10 தோட்டாக்கள் (shell casings) கண்டெடுக்கப்பட்டதாக 680 NewsRadio தெரிவித்துள்ளது.
இந்தத் தாக்குதலில் எவருக்கும் காயங்கள் ஏற்படவில்லை என பொலிசார் உறுதிப்படுத்தியுள்ளனர்.
தாக்குதலுக்கான காரணம் அல்லது சந்தேக நபர்கள் குறித்த தகவல்கள் இதுவரை வெளியாகவில்லை.
பொலிசார் அப்பகுதியில் உள்ள Surveillance மற்றும் Dash cam காட்சிகளை ஆய்வு செய்து வருகின்றனர்.
