டொராண்டோவின் (Toronto) லிபர்ட்டி வில்லேஜ் (Liberty Village) பகுதியில் வசித்து வந்த திரைப்பட இயக்குனர் ரியாஸ் ஹபீப் (ReeyazHabib) என்பவர் கடந்த 2023-ஆம் ஆண்டு ஜூன் மாதம் படுகொலை செய்யப்பட்டார்.
அவரது உடல் போர்வையாலும், டக்ட் டேப்பாலும் (duct tape) சுற்றப்பட்டு, குப்பை அழுத்தும் இயந்திரத்திற்குள் அழுகிய நிலையில் கண்டெடுக்கப்பட்டது.
இந்த வழக்கில் இரண்டாம் நிலை கொலைக் குற்றம் சாட்டப்பட்டுள்ள அவரது அண்டை வீட்டுக்காரரான குவா டிரான் (Khoa Tran) என்பவர், தனக்கும் இந்த கொலைக்கும் எந்தவித தொடர்பும் இல்லை என கடந்த வெள்ளிக்கிழமை நீதிமன்றத்தில் சாட்சியமளித்துள்ளார்.
ஆரம்பத்தில் நண்பர்களாக இருந்த இவர்களுக்குள், சார்க்கோல் பார்பிக்யூ (charcoal barbecue) புகை காரணமாக மோதல் ஏற்பட்டுள்ளது.
சம்பவத்தன்று மேல் மாடியில் இருந்து அலறல் சத்தமும், யாரோ படிக்கட்டுகளில் இருந்து கீழே விழுவது போன்ற சத்தமும் கேட்டதாக டிரான் (Tran) கூறியுள்ளார்.
இந்த வழக்கில் குவா டிரான் (Khoa Tran) மற்றும் அவரது மனைவி குய்ன் (இசபெல்) நுயென் (Quynh (Isabelle) Nguyen) ஆகிய இருவரும் கைது செய்யப்பட்டுள்ளனர்.
தற்போது இருவருமே தங்கள் மீதான குற்றச்சாட்டுகளை மறுத்து, தாங்கள் நிரபராதிகள் என வாதிட்டு வருகின்றனர்.
இந்த வழக்கின் விசாரணை தொடர்ந்து நடைபெற்று வருகிறது.
