றொரண்டோ (Toronto) நகரில் செவ்வாய்க்கிழமை பலத்த மழை மற்றும் இடிமின்னலுடன் கூடிய சீரற்ற வானிலை நிலவும் என வானிலை மையங்கள் எச்சரித்துள்ளன.
தெற்கு ஒன்ராறியோ (Southern Ontario) பகுதிக்கு மேல் நகரும் ஈரப்பதம் நிறைந்த காற்று காரணமாக, 5 முதல் 15 மில்லிமீட்டர் வரை மழை பெய்ய வாய்ப்புள்ளது.
தென்மேற்கு திசையிலிருந்து வீசும் காற்றுடன், வெப்பநிலை 20 டிகிரி செல்சியஸைத் தாண்டும் என்றாலும், ஈரப்பதம் காரணமாக வெப்பம் அதிகமாக உணரப்படும்.
புதன்கிழமை லேசான மழை மற்றும் மேகமூட்டமான வானிலை நீடிக்கும் என்றாலும், வியாழன் மற்றும் வெள்ளிக்கிழமைகளில் வானம் தெளிவாகி, மிதமான வெப்பத்துடன் கூடிய நல்ல வானிலை நிலவும் என எதிர்பார்க்கப்படுகிறது.