றொரண்டோவின் மேற்குப் பகுதியில் திருடப்பட்ட வெள்ளை நிற பிக்கப் ட்ரக் ஒன்றை, பல விபத்துகளுக்குப் பிறகு பொலிஸார் அதிரடியாகச் சுற்றிவளைத்து இருவரைக் கைது செய்துள்ளனர்.
நார்த் யார்க் (North York) பகுதியில் உள்ள Wendell மற்றும் Wilson அவென்யூ சந்திப்பில் பொலிஸார் அந்த வாகனத்தைச் சுற்றிவளைத்தனர்.
அதற்கு முன்னர் அந்த வாகனம் குறைந்தது மூன்று இடங்களில் விபத்துகளை ஏற்படுத்தியுள்ளது.
“அவன் ஒரு தோட்டா வேகத்தில் சென்றான்” என்று பாதிக்கப்பட்ட மற்றொரு வாகன சாரதி புருனோ (Bruno) தெரிவித்தார்.
வாகனம் 360 பாகையில் சுழன்று அதிவேகமாகச் சென்றதை நேரில் பார்த்தவர்கள் விவரித்துள்ளனர்.
வாகனத்திலிருந்தவர்கள் தப்பியோட முயன்ற போதிலும், பொலிஸார் அவர்களைக் கீழே தள்ளி கைவிலங்கிட்டு கைது செய்தனர்.
2025-ஆம் ஆண்டில் வாகனத் திருட்டுகள் குறைந்திருந்தாலும், 2026 ஜனவரி முதல் றொரண்டோவில் 2,200-க்கும் மேற்பட்ட வாகனங்கள் திருடப்பட்டுள்ளன. இது கடந்த ஆண்டை விட 7 சதவீத உயர்வாகும்.