நோவா ஸ்கோடியாவின் நியூ கிளாஸ்கோ (New Glasgow) நகரில் உள்ள வணிக நிறுவனம் ஒன்றில், பணியாளர்களை நோக்கி உண்மையான துப்பாக்கி போன்ற ஆயுதத்தைக் காட்டி மிரட்டிய குற்றச்சாட்டில் இளைஞர் ஒருவர் கைது செய்யப்பட்டுள்ளார்.
ஹாலிபாக்ஸில் (Halifax) இருந்து வடகிழக்கே சுமார் 160 கி.மீ தொலைவில் உள்ள ஜார்ஜ் வீதியில் (George Street) இந்தச் சம்பவம் நடந்துள்ளது.
தகவலறிந்து சம்பவ இடத்திற்கு விரைந்த பொலிஸார், அருகிலுள்ள உணவகம் ஒன்றில் வைத்து அந்த இளைஞரை மடக்கிப் பிடித்தனர்.
அவரிடம் மேற்கொண்ட சோதனையில், அது உண்மையான துப்பாக்கி அல்ல, மாறாக பி.பி. கன் (BB gun) எனப்படும் போலித் துப்பாக்கி என்பது உறுதிப்படுத்தப்பட்டது.
இதனையடுத்து, அவர் மீது தடைசெய்யப்பட்ட ஆயுதம் வைத்திருந்தமை மற்றும் பொதுமக்களுக்கு ஆபத்தை விளைவிக்கும் வகையில் ஆயுதம் வைத்திருந்தமை உள்ளிட்ட குற்றச்சாட்டுகள் சுமத்தப்பட்டுள்ளன.
அவர் எதிர்காலத்தில் நீதிமன்றத்தில் முன்னிலைப்படுத்தப்பட உள்ளார்.
