கனடாவுடனான வர்த்தகப் பிரச்சினைகளைத் தீர்ப்பது கடினம் – அமெரிக்க வர்த்தகப் பிரதிநிதி தகவல்!

மில்கீயில் (Milwaukee) நடைபெற்ற G20 வர்த்தக அமைச்சர்கள் கூட்டத்தின் முடிவில், அமெரிக்க வர்த்தகப் பிரதிநிதி ஜேமிசன் கிரீயர் (Jamieson Greer) ஊடகங்களிடம் பேசுகையில், கனடாவுக்கும் (Canada) அமெரிக்காவுக்கும் (U.S.) இடையே தீர்க்கப்படாமல் உள்ள வர்த்தகச் சிக்கல்களைத் தீர்ப்பது மிகவும் கடினமாக உள்ளதாகத் தெரிவித்துள்ளார்.

இக்கூட்டத்தில் கனடாவின் சர்வதேச வர்த்தக அமைச்சர் மனீந்தர் சித்து (Maninder Sidhu) உடனான சந்திப்பின்போதும் இவ்விகாரங்கள் விவாதிக்கப்பட்டன.

அமெரிக்காவின் முக்கிய நோக்கம் உள்நாட்டு உற்பத்தியைப் பெருக்குவதே எனக் குறிப்பிட்ட கிரீயர், அதிபர் டொனால்ட் ட்ரம்ப் (Donald Trump) நிர்வாகம் கனடாவுடன் வர்த்தக ஒப்பந்தம் செய்யத் தயாராக இருந்தாலும், வரிகளை முழுமையாக பூஜ்ஜியமாக்க (zero tariffs) விரும்பவில்லை எனக் கூறினார்.

மேலும், கட்டாய உழைப்பு மூலம் தயாரிக்கப்படும் பொருட்களைத் தடை செய்வது தொடர்பாக ஜி20 நாடுகளிடையே ஒருமித்த கருத்து எட்டப்படாததையும் அவர் கடுமையாக விமர்சித்தார்.

இதற்கிடையில், கனடிய அமைச்சர் மனீந்தர் சித்து ஐரோப்பிய ஒன்றியம், இந்தியா மற்றும் பிரேசில் ஆகிய நாடுகளின் பிரதிநிதிகளுடன் இருதரப்பு வர்த்தக உறவுகளை வலுப்படுத்துவது குறித்து பேச்சுவார்த்தை நடத்தியுள்ளார்.