கனடாவில் சிறுவர்களுக்கான சமூக வலைத்தளத் தடையை அமுல்படுத்துவது குறித்து பகிரங்கமான விவாதங்கள் நடத்தப்பட வேண்டும் என பிரதமர் Mark Carney தெரிவித்துள்ளார்.
ஜப்பானின் Tokyo நகரில் ஊடகவியலாளர்களிடம் பேசிய அவர், இந்த விடயத்தில் சாதக பாதகமான கருத்துக்கள் நிலவுவதால், தாம் இன்னும் இறுதி முடிவை எடுக்கவில்லை எனக் குறிப்பிட்டார்.
அவுஸ்திரேலியா (Australia) அண்மையில் 16 வயதுக்குட்பட்ட சிறுவர்களுக்கு சமூக வலைத்தளத் தடையை அமுல்படுத்தியதைத் தொடர்ந்து, பல நாடுகள் இத்தகைய நடவடிக்கையை பரிசீலித்து வருகின்றன.
கனடாவின் தற்போதைய “ஒன்லைன் ஹார்ம்ஸ்” (Online Harms) சட்டங்கள் சர்வதேச தரத்துடன் ஒப்பிடுகையில் பின்தங்கியிருப்பதாகவும் பிரதமர் சுட்டிக்காட்டினார்.
அதனால்,புதிய சட்டவரைபில் சமூக வலைத்தளங்களைப் பயன்படுத்துவதற்கான “குறைந்தபட்ச வயது” (Age of Majority) குறித்த அம்சம் கட்டாயம் சேர்க்கப்படும் என்றார்.
சிறுவர் சுரண்டல் மற்றும் இணையவழி பாதிப்புகளைத் தடுக்க, சமூக வலைத்தள நிறுவனங்கள் கூடுதல் பொறுப்புடன் செயற்படுவதை உறுதி செய்ய வேண்டியதன் அவசியத்தையும் அவர் இதன்போது வலியுறுத்தினார்.
