ஒன்ராறியோ அரசாங்கம் தனது பயன்பாட்டிற்காக சுமார் $29 மில்லியன் டொலர் செலவில் வாங்கிய தனியார் ஜெட் விமானத்தை, பொதுமக்களின் கடும் எதிர்ப்பைத் தொடர்ந்து விற்பனை செய்ய முடிவு செய்துள்ளது.
முதல்வரின் மாகாண மற்றும் சர்வதேச பயணங்களுக்காக ‘சேலஞ்சர் 650’ (Challenger 650) ரக விமானம் $28.9 மில்லியனுக்கு வாங்கப்பட்டது.
இது கியூபெக் (Quebec) அரசாங்கம் வாங்கிய விமானங்களை விட விலை குறைவானது என அரசு முதலில் நியாயப்படுத்தியது.
மக்கள் அத்தியாவசியப் பொருட்களின் விலை உயர்வால் தவிக்கும் வேளையில், அரசின் இத்தகைய ஆடம்பரச் செலவை எதிர்க்கட்சிகள் கடுமையாக விமர்சித்தன.
புதிய ஜனநாயகக் கட்சித் தலைவர் மரிட் ஸ்டைல்ஸ் (Marit Stiles) மற்றும் லிபரல் தலைவர் ஜான் பிரேசர் (John Fraser) ஆகியோர் இதை ‘கிரேவி பிளேன்’ (Gravy Plane) எனச் சாடினர்.
“அரசு விமானத்திற்கான செலவு இப்போது சரியான நேரமல்ல என்பதை உணர்ந்து கொள்கிறேன்” எனத் தெரிவித்துள்ள டக் போர்ட், பொம்பார்டியர் (Bombardier) நிறுவனத்துடன் இணைந்து அந்த விமானத்தை விரைவாக விற்பனை செய்ய நடவடிக்கை எடுத்துள்ளார்.
2019-ஆம் ஆண்டில் அரசு விமானத்தைப் பயன்படுத்தப் போவதில்லை என்றும், வாகனத்தில் சென்று மக்களைச் சந்திப்பதையே விரும்புவதாகவும் கூறியிருந்த டக் போர்ட், தற்போது தனது முடிவை மாற்றிக் கொண்டது குறிப்பிடத்தக்கது.
