ஹாமில்டனில் (Hamilton) வெள்ளிக்கிழமை இரவு மோட்டார் சைக்கிள் மற்றும் SUV ரக வாகனம் மோதிக்கொண்ட கோர விபத்தில், மோட்டார் சைக்கிள் ஓட்டுநர் சிகிச்சை பலனின்றி உயிரிழந்துள்ளார்.
இரவு 8:04 மணியளவில் பிரிட்சார்ட் வீதி (Pritchard Road) மற்றும் ஹார்லோ வீதி (Harlowe Road) சந்திப்பில் இந்த விபத்து நிகழ்ந்துள்ளது.
தெற்கு நோக்கிச் சென்ற 2002 ஆம் ஆண்டு தயாரிப்பான ஹார்லி-டேவிட்சன் (Harley-Davidson) மோட்டார் சைக்கிளும், வடக்கு நோக்கித் திரும்பிய 2020 ஆம் ஆண்டு தயாரிப்பான டொயோட்டா ராவ்-4 (Toyota RAV4) வாகனமும் மோதிக்கொண்டன.
படுகாயமடைந்த மோட்டார் சைக்கிள் ஓட்டுநர் மருத்துவமனையில் அனுமதிக்கப்பட்ட நிலையில் உயிரிழந்தார்.
SUV வாகனத்தை ஓட்டி வந்த பெண்ணும், ஒரு சிறுமியும் சிறு காயங்களுடன் மருத்துவமனைக்கு அழைத்துச் செல்லப்பட்டனர்.
தற்போது ஹாமில்டன் பொலிஸாரின் விபத்து புனரமைப்பு குழுவினர் (Collision Reconstruction team) தீவிர விசாரணையில் ஈடுபட்டுள்ளனர்.
இந்த விபத்தைச் நேரில் பார்த்தவர்கள் அல்லது சிசிடிவி/டாஷ் கேம் (Dash cam) காட்சிகளை வைத்திருப்பவர்கள் பொலிஸாரைத் தொடர்புகொள்ளுமாறு கோரப்பட்டுள்ளனர்.
