Toronto-வில் உள்ள Eastdale Collegiate எனும் சிறிய அளவிலான உயர்நிலைப் பள்ளியில், எதிர்வரும் கல்வியாண்டில் தரம் 9-க்கான புதிய மாணவர் சேர்க்கை ரத்து செய்யப்படுவதாக Toronto District School Board (TDSB) அறிவித்துள்ளது.
குறைந்த எண்ணிக்கையிலான மாணவர்கள் (4 பேர் மட்டுமே) பதிந்துள்ளதே இதற்குக் காரணம் எனத் தெரிவிக்கப்பட்டுள்ளது.
புத்திஜீவிதக் குறைபாடுகள் மற்றும் விசேட தேவைகளைக் கொண்ட மாணவர்களுக்குப் புகலிடமாக விளங்கும் இந்தப் பாடசாலையின் இந்தத் தீர்மானத்தால் பெற்றோர் பெரும் அதிருப்தி அடைந்துள்ளனர்.
பெரிய பொதுப் பாடசாலைகளில் தங்களது பிள்ளைகளால் கல்வி கற்க முடியாது என அவர்கள் கவலை தெரிவிக்கின்றனர்.
ஏற்கனவே Heydon Park பாடசாலையிலும் இவ்வாறான சேர்க்கை நிறுத்தம் அறிவிக்கப்பட்டுள்ள நிலையில், நிலப்பயன்பாடு அல்லது விற்பனை நோக்கில் இவ்வாறான முடிவுகள் எடுக்கப்படுகிறதோ எனப் பெற்றோர் சந்தேகம் எழுப்பியுள்ளனர்.
இதற்கு எதிராகப் போராட்டங்களை முன்னெடுக்கவும் அவர்கள் திட்டமிட்டுள்ளனர்.
