வான்கூவரின் பொதுப் போக்குவரத்து சேவையான ஸ்கைட்ரெயினின் எக்ஸ்போ லைனில் (Expo Line), புதிய தலைமுறை மார்க் V (Mark V) ரயில்களின் எண்ணிக்கை எட்டாக அதிகரித்துள்ளது.
டிரான்ஸ்லிங்க் (TransLink) நிறுவனம் மொத்தம் 47 மார்க் V ரயில்களை கொள்வனவு செய்யத் திட்டமிட்டுள்ளது.
அதில் தற்போது 8 ரயில்கள் (40 பெட்டிகள்) மக்கள் பயன்பாட்டிற்கு வந்துள்ளன.
மேலும் 3 ரயில்கள் சோதனையில் உள்ளன.
1980-களில் இருந்து பயன்பாட்டில் இருக்கும் பழமையான மார்க் I (Mark I) ரயில்களை அகற்றிவிட்டு, அதற்குப் பதிலாக இந்த நவீன ரயில்கள் சேர்க்கப்படுகின்றன.
இதுவரை 34 மார்க் I பெட்டிகள் சேவையிலிருந்து நிறுத்தப்பட்டுள்ளன.
இந்த புதிய மார்க் V ரயில்கள் அதிக இடவசதி, டிஜிட்டல் திரைகள் மூலம் நிகழ்நேரத் தகவல்கள் மற்றும் மேம்படுத்தப்பட்ட குளிரூட்டும் வசதி (Climate control) ஆகியவற்றைக் கொண்டுள்ளன.
2029-ஆம் ஆண்டுக்குள் அனைத்து புதிய ரயில்களும் பயன்பாட்டிற்கு வரும்.
இது 2027-ல் திறக்கப்படவுள்ள பிராட்வே விரிவாக்கம் (Broadway extension) மற்றும் 2029-ல் திறக்கப்படவுள்ள சர்ரே-லாங்லி விரிவாக்கத்தின் (Surrey-Langley extension) தேவைகளைப் பூர்த்தி செய்யும்.
மேலும், இந்த ரயில்களின் பராமரிப்பிற்காக கோக்விட்லம் (Coquitlam) பகுதியில் $1.3 பில்லியன் செலவில் புதிய பராமரிப்பு நிலையம் ஒன்றும் அமைக்கப்பட்டு வருகின்றது.
