றொரண்டோ (Toronto) மாநகரில் கடந்த சில மாதங்களாகத் தொடர்ச்சியான பல திருட்டுச் சம்பவங்களில் ஈடுபட்டு வந்த 59 வயதுடைய நபர் ஒருவரை பொலிஸார் தீவிரமாகத் தேடி வருகின்றனர்.
மார்க் ஹார்டி (Mark Hardy) என்ற நபர், கடந்த ஜனவரி 15 முதல் ஏப்ரல் 16 வரை நகரின் பல்வேறு பகுதிகளில் குறைந்தது ஐந்து வெவ்வேறு திருட்டுச் சம்பவங்களுடன் தொடர்புடையவர் என அடையாளம் காணப்பட்டுள்ளார்.
இவர் அடுக்குமாடி குடியிருப்புகளின் சேமிப்பு அறைகளை (Storage lockers) உடைத்து பொருட்களைத் திருடியதுடன், குடியிருப்புவாசிகள் தூங்கிக் கொண்டிருக்கும் போதே வீட்டிற்குள் புகுந்து திருடியதாகவும் குற்றம் சாட்டப்பட்டுள்ளார்.
மார்க் ஹார்டி 18 முறை அத்துமீறி நுழைந்தமை உட்பட பல குற்றச்சாட்டுகளுக்காகத் தேடப்பட்டு வருகிறார்.
அவர் சுமார் ஐந்து அடி பத்து அங்குல உயரம், 200 பவுண்ட் எடை, மொட்டைத் தலை மற்றும் பச்சை நிறக் கண்கள் கொண்டவர் என பொலிஸார் விபரித்துள்ளனர்.
இந்த நபர் குறித்துத் தகவல் தெரிந்தவர்கள் அல்லது இவரைக் கண்டவர்கள் உடனடியாகத் தங்களை அணுகுமாறு டொராண்டோ பொலிஸார் கேட்டுக்கொண்டுள்ளனர்.
