றொரண்டோவின் நோர்த் யோர்க் (North York) பகுதியில் உள்ள அடுக்குமாடி குடியிருப்பு ஒன்றிலிருந்து விழுந்து சிறு குழந்தை ஒன்று உயிரிழந்துள்ள சம்பவம் பெரும் சோகத்தை ஏற்படுத்தியுள்ளது.
ஞாயிற்றுக்கிழமை மதியம் 12:20 மணியளவில், ஹைவே 401-க்கு தெற்கே உள்ள டான் மில்ஸ் ரோட் (Don Mills Road) மற்றும் கிரேடன் ஹால் டிரைவ் (Graydon Hall Drive) சந்திப்புக்கு அருகில் உள்ள உயரமான அடுக்குமாடி குடியிருப்பில் இந்த விபத்து நிகழ்ந்துள்ளது.
குறித்த குடியிருப்பின் மேல்தளத்திலிருந்து விழுந்ததில் படுகாயமடைந்த அக்குழந்தை, சம்பவ இடத்திலேயே உயிரிழந்துவிட்டதாகப் பொலிஸார் உறுதிப்படுத்தியுள்ளனர்.
இந்தச் சம்பவம் குறித்த முதற்கட்ட விசாரணைகள் தற்போது நடைபெற்று வருகின்றன.
குழந்தை எந்தத் தளத்திலிருந்து விழுந்தது என்பது குறித்த விபரங்களை பொலிஸார் இன்னும் வெளியிடவில்லை.
உயிரிழந்த குழந்தையின் வயது அல்லது அடையாளம் குறித்த மேலதிக தகவல்களைப் பொலிஸார் தற்போதைக்கு வழங்க மறுத்துவிட்டனர்.
இந்தத் துயரச் சம்பவம் குறித்து ரொறன்ரோ பொலிஸார் (Toronto Police) தீவிர விசாரணைகளை முன்னெடுத்து வருகின்றனர்.
