கனடாவின் டொராண்டோ (Toronto) நகரிலுள்ள சைனாடவுன் (Chinatown) பகுதியில் சனிக்கிழமை அதிகாலை நிகழ்ந்த கார் விபத்தை அடுத்து, காரில் இருந்து தப்பியோடிய இரண்டு நபர்களை பொலிஸார் தீவிரமாகத் தேடி வருகின்றனர்.
ஸ்படைனா அவென்யூ (Spadina Avenue) மற்றும் டண்டாஸ் ஸ்ட்ரீட் (Dundas Street) சந்திப்பில் அதிகாலை 5:20 மணியளவில் இரண்டு வாகனங்கள் ஒன்றோடொன்று மோதி விபத்துக்குள்ளாகின.
இதுகுறித்து அவசர உதவிக் குழுவினருக்குத் தகவல் வழங்கப்பட்டது.
இந்த விபத்தின்போது, ஒரு காரில் இருந்த இரண்டு ஆண்கள் சம்பவ இடத்திலிருந்து காலால் ஓடித் தப்பிச் சென்றுள்ளனர்.
அதேவேளை, மற்றொரு வாகனத்தின் ஓட்டுநர் விபத்து குறித்து விசாரணை நடத்தி வரும் பொலிஸாருக்கு முழு ஒத்துழைப்பு வழங்கி வருகிறார்.
விபத்துக்குள்ளான இரண்டாவது வாகனத்தில் இருந்த ஒருவருக்கு ஆபத்தில்லாத சிறிய காயங்கள் ஏற்பட்டுள்ளதால், அவர் சிகிச்சைக்காக மருத்துவமனைக்குக் கொண்டு செல்லப்பட்டுள்ளார்.
விபத்து குறித்து டொராண்டோ போலீஸார் (Toronto Police) தொடர்ந்து தீவிர விசாரணை நடத்தி வருகின்றனர்.
